झापा लगिंदै गरिएको गाँजा सर्लाहीमा पक्राउ

सर्लाही , अषाढ १२ - प्रहरीले सर्लाहीमा शनिबार बिहान ठूलो परिमाणमा लागु औषध गाँजा बरामद गरेको छ । मकवानपुरको मनहरीबाट झापाको धुलाबारी लगिंदै गरिएको उक्त गाँजा राजमार्गको बाँके क्षेत्रबाट पक्राउ गरिएको प्रहरीले जनाएको छ ।

प्रहरी उपरीक्षक श्याम खत्रीका अनुसार ना.२.ख ५७८८ नम्बरको ट्रकमा बियरको कार्टुनको बीचमा लुकाइ लाँदै गरिएको २४ बोरा तयारी गाँजा पक्राउ गरिएको छ । उक्त गाँजा १० क्विन्टल भन्दा बढी रहेको प्रहरीको अनुमान छ ।
ट्रकका चालक र गाँजा ओसार पसारमा संलग्न समेत प्रहरीले चार जनालाई नियन्त्रणमा लिएको छ । यसअघि एक महिना अगाडि कर्मैयामा बागमती खोला किनारमा गाडीएर राखिएको ५ सय किलो गाँजा प्रहरीले बरामद गरेको थियो ।